Нийслэлийн Мэргэжлийн хяналтын газартЧингэлтэй дүүргийн 3 дугаар хороо, УИД-ийн урд хөгцөрсөн самар зарж байна. Шалгаж, арга хэмжээ авч өгнө үү? гэх гомдол, мэдээллийн дагуу хяналт шалгалт хийсэн байна.
Шалгалтаар иргэн Б нь гарал үүсэл тодорхойгүй, эрүүл ахуй, аюулгүй байдлын шаардлага хангахгүй хүнсний бүтээгдэхүүн, самар зэргийг худалдан борлуулж байсан, хүнсний чиглэлийн үйл ажиллагаа эрхлэгч харьяалах нутаг дэвсгэр дэх хүнсний хяналт хэрэгжүүлэх эрх бүхий байгууллагад хууль ёсны дагуу мэдээлж, зөвшөөрөл аваагүй үйлдлийг илрүүлж, илэрсэн зөрчилд Монгол улсын Зөрчлийн тухай хуулийн 6.15 дугаар зүйлийн 1 дэх хэсгийн 1.2 дахь заалтын дагуу шийтгэл оногдуулж шийдвэрлэлээ гэж мэдээллээ.
